究竟2024年下半年Bitcoin Stacks Nakamoto 升級升左d乜？

一直也期待Bitcoin Stacks 升級的來臨，終於實現了！那究竟呢個升級帶嚟左乜野改善?

要理解呢個問題，我地要先了解Stacks 點生成區塊：首先，礦工向 Stacker 發送 BTC（要注留，Stackers 只負責收BTC，並無任何監察功能），從以獲得 Stacks 的交易手續費和區塊獎勵。然後，根據礦工發送既BTC 的數量比例決定每個礦工被挑選的機率。跟住當選的礦工就會贏得喺Stacks 鏈上創建新區塊。最後，當選礦工完成確認任務後便可獲得 STX 和交易手續費作為區塊獎勵。

問題就喺挑選礦工有時會極躭誤時間，要等待選出結果出才可出區塊，令用戶提交的交易在一個區塊內被挖掘和確認的時間，可長達幾十分鐘。更大問題係，有d比特幣礦工利用壟斷手段喺自己既比特幣區塊中只允許自己的 Stacks 區塊提交交易，確保只得自己成為唯一既操控者，從而賺取所有獎勵。

再者，舊有Stacks 區塊鏈出現分叉攻擊和雙重支付極容易，不良礦工只需付出少量比特幣挖礦成本便能重組 Stacks 的交易記錄，並利用呢個漏洞進行雙重支付。

咁升級後有乜野改善？

升級後，更改了區塊生成既機制，容許已選出來既礦工喺下一次礦工選出之前，可生成多個區塊；無錯！升級之前，Stacks 鏈上生成既區塊跟比特幣區塊既比例固定喺1:1，即係比特幣主鏈出一個區塊，stacks 鏈先可以先可出一個，導致區塊生成時間與交易確認時間極為緩慢，而家唔駛咁啦，一旦嗰選舉機制慢左，上一位已選出來既礦工就可以繼續生成區塊確認交易。呢種機制將區塊生成同確認時間縮短到 5 秒左右，大大提高了 Bitcoin Stacks 的可擴展性，令到用去中心化應用（dApp）時，轉賬或互動幾乎係即時完成，大幅度改善左整條區塊鏈既基建效能。

而且，過往Stackers 既角色主要只係參與質押（PoX），佢地無法直接參與監督礦工行為，令礦工喺某d情況下能繞過共識規則；但而家如果Stackers 發現礦工試圖生成分叉區塊，佢地可以拒絕簽署呢d區塊，阻止不良行為。亦正因如此，升級後若礦工要進行分义，必須獲得大比例（要70% ）既Stackers 同意，更要花費高昂既比特幣成本先能夠進行重組，令呢種攻擊幾乎不可能成功，降低被操控性既機會。

Stacks升級後，交易既速度與安全，堪稱可媲美比特幣主鏈，令各持份者同參與者可以喺更安心情況下進行開發同交易。