明治41年時，日本從美國引進橄欖樹，分別揀左氣溫條件相似且溫暖既三重縣、鹿兒島同香川縣試種，最終只有小豆島西村地區既橄欖樹順利栽培成功，並喺大正時期年間首次成功榨出橄欖油，呢個就正正係小豆島橄欖公園既濫觴。
小豆島橄欖公園位於山腰上，可遠眺瀨戶內海。喺廣闊既公園內，種植左約2000株左右巴既橄欖樹，以及130種以上既香草植物。
呢座橄欖樹公園亦都因為係「魔女的宅急便」既拍攝地而聲名大噪，橄欖樹紀念館經常擠滿租借影片中魔法掃把既遊客，學影片主角騎掃把既姿勢拍照，特別喺白色希臘風車周邊，係最有人氣既拍照景點。單睇遊客𡚒力拎住魔法掃縱身躍起，刻意製造「偽飛行」，已經非常有趣。當然，相信你亦會有蠢蠢欲試的衝動與雅興。
園內另有香草植物既香包同香氛製作體驗活動可參加；你仲可以尋找心型橄欖葉，聽講搵到就會幸運臨門，呢個運氣一定要碰碰囉。你亦可以將心型橄欖葉做成書籤帶回家，作為你曾到呢度旅遊既紀念品。
你玩累想食野既話，可以試試呢處既橄欖雪糕，口味獨特，真係一試就令你難忘。
