好多人都問，戴緊的半框眼鏡或者片架，有d污糟野藏喺鏡坑內，到底點清潔好呢？
市面上都有超聲波清潔儀器，是一個不俗的清潔方法。因為超聲波引起的震動，可以震出藏於鏡坑的污垢，對於不太污糟的眼鏡，絕對係好的清潔方法，亦都不用擔心超聲波清潔儀器會弄花鏡片，因為震動只會震走污垢，不傷害鍍膜。（如果會傷害鏡片，你諗下眼鏡舖點解會放一部係鋪到）。
不過都要注意既係：清潔時，只需加水入儀器內，不要加清潔液，因為清潔液會傷害鍍膜。除此之外，清洗後，記得用乾淨的眼鏡布抹乾抹淨鏡片，否則容易出現水跡。眼鏡布都最好每一至兩星期放入洗衣機清潔一次，因為眼鏡布會幫你吸走鏡上的油跡。
但如果眼鏡真的太污糟，洗完都仲有不少污垢係坑內，或者洗到污垢結集埋一齊，都可以去返幫你配眼鏡的公司，請店員幫忙，拆下鏡片仔細清潔。
另外，戴眼鏡的你，有無試過用眼鏡布抹眼鏡時，覺得點抹都唔乾淨，仲係有層油咁，到底點先為好的眼鏡布呢？
最好的眼鏡布材料就係micro fibre 造的眼鏡布，因為可以吸走眼鏡片的的水份油份，而且纖維較幼滑，不易抹花鏡片。而絨毛或用polyester 造的眼鏡布，因不能做到吸水吸油，所以不是好的眼鏡布材料。但記住，要定期清潔眼鏡布，才可確保眼鏡布可清潔好你的鏡片。
還有，切忌使用衫，紙巾（不論乾或濕）或抹鏡頭包裝紙清潔鏡片，由於纖維較粗，容易弄花鏡片。
